ప్రజాబలం లక్షెట్టిపేట మండల రిపోర్టర్ అక్టోబర్ 01: లక్షెట్టిపేట ప్రభుత్వ ఆదర్శ డిగ్రీ కళాశాలలో తెలుగు విభాగం ఐక్యుఏసి కళా సాంస్కృతిక విభాగం మహిళా సాధికరతా విభాగాల సంయుక్త అధ్వర్యంలో బతుకమ్మ వేడుకలు ఘనంగా జరిగాయి.తీరొక్క రకాల పూవులను తీసుకువచ్చి మహిళా అధ్యాపకులు, విద్యార్థినులు బతుకమ్మలను తయారు చేశారు. తెలంగాణ సంస్కృతి ప్రతిబింబించేలా చప్పట్లు కొడుతూ బతుకమ్మ పాటలు పాడి ఆటలు ఆడారు.ఈ సందర్భంగా కళాశాల ప్రిన్సిపాల్ డాక్టర్ సంతోష్ మహాత్మ మాట్లాడుతూ… తెలంగాణలో బతుకమ్మ పండుగ సంప్రదాయంగా వస్తున్న ఒక గొప్ప సంస్కృతి అని కొనియాడారు. బతుకమ్మలో తెలంగాణ పల్లె జీవితం కనిపిస్తుందని తెలిపారు.తెలంగాణ ఉద్యమంలో బతుకమ్మ ప్రాధాన్యత మరువలేనిది అని పేర్కొన్నారు.ఈ కార్యక్రమంలో కళాశాల వైస్ ప్రిన్సిపాల్ శంకరయ్య తెలుగు విభాగం అధ్యక్షులు కల్చరల్ కో ఆర్డినేటర్ డాక్టర్ తన్నీరు సురేష్ ఐక్యుఏసి కో ఆర్డినేటర్ ప్రేమలత అధ్యాపకులు తిరుపతి,సంతోష్, నాగేశ్వర్, చంద్రశేఖర్ రాజ్ కుమార్,కవిత మల్లన్న సంద్యారాణి స్వప్న శ్రీనివాస్,మహేశ్ కుమార్, నాగేందర్,బోధనేతర సిబ్బంది మల్లారెడ్డి శ్రీనివాస్ శంకర్ వెంకటేష్ విద్యార్థినీ విద్యార్థులు పాల్గొన్నారు.
