జమ్మికుంట, ప్రజాబలం ప్రతినిధి జూలై 4
హుజురాబాద్ నియోజక వర్గానికి చెందిన సీనియర్ పాత్రికేయులు పత్తి విష్ణువర్ధన్ రెడ్డి గుండెపోటుతో ఇటీవల ఆకస్మికంగా మృతి చెందడం జరిగింది. కాంగ్రెస్ పార్టీ సీనియర్ నాయకుడు టి పి సి సి సభ్యులు పత్తి కృష్ణారెడ్డి కి విష్ణువర్ధన్ రెడ్డి స్వయాన సోదరుడు. ఈ విషయం తెలుసుకున్న జమ్మికుంట జడ్పిటిసి డాక్టర్. శ్రీరామ్ శ్యామ్ పట్టణంలోని కృష్ణారెడ్డి నివాసానికి చేరుకొని మృతుడు పత్తి విష్ణువర్ధన్ రెడ్డి చిత్రపటానికి పూలమాలవేసి ఘన నివాళులు అర్పించారు. అనంతరం పత్తి కృష్ణారెడ్డి కుటుంబానికి తన ప్రగాఢ సానుభూతిని తెలుపుతూ విష్ణువర్ధన్ రెడ్డి మృతి ఆ కుటుంబానికి తీరని లోటు అని అన్నారు. అతి చిన్న వయసులోనే గుండెపోటు రావడం బాధాకరమని విష్ణువర్ధన్ రెడ్డి భౌతికంగా మన మధ్య లేనప్పటికీ ఆయన పవిత్ర ఆత్మకు శాంతి చేకూరాలని ఆ భగవంతున్ని మనస్పూర్తిగా ప్రార్థిస్తున్నట్లు జడ్పిటిసి డాక్టర్ శ్రీరామ్ శ్యామ్ తెలిపారు. ఈ కార్యక్రమంలో కాంగ్రెస్ జమ్మికుంట పట్టణ అధ్యక్షులు సుంకరి రమేష్. చల్పూర్ మాజీ సర్పంచ్ మహేందర్, రైతు సమన్వయ సమితి జిల్లా మెంబర్ లింగారావు, ఫిషరీస్ కోపరేటివ్ మెంబర్ జిల్లా మెంబర్ నారాయణ తదితరులు పాల్గొన్నారు.
