రామలింగేశ్వరస్వామికి పట్టు వస్త్రాలు సమర్పించిన రాష్ట్ర కార్మిక, ఉపాధి కల్పన శాఖ మంత్రి చామకూర మల్లారెడ్డి, జిల్లా కలెక్టర్ అమోయ్ కుమార్
స్వామి వారి కళ్యాణోత్సవంలో పాల్గొన్న మంత్రి, కలెక్టర్ దంపతులు
మేడ్చల్ ప్రజాబలం ప్రతినిధి ఫిబ్రవరి 17:మహాశివరాత్రి సందర్బంగా మేడ్చల్– మల్కాజిగిరి జిల్లా కీసర గుట్ట శ్రీరామలింగేశ్వరస్వామి బ్రహ్మోత్సవాలకు శుక్రవారం రాత్రి స్వామివారి కళ్యాణోత్సవంతో అంకురార్పణ జరిగింది. శుక్రవారం రాత్రి కీసర రామలింగేశ్వరస్వామి కళ్యాణోత్సవాన్ని అంగరంగ వైభవంగా నిర్వహించారు. ఈ కార్యక్రమానికి రాష్ట్ర కార్మిక, ఉపాధికల్పన శాఖ మంత్రి చామకూర మల్లారెడ్డి, జిల్లా కలెక్టర్ అమోయ్ కుమార్లు ముందుగా రామలింగేశ్వరుడికి ప్రభుత్వం తరపున పట్టువస్త్రాలు సమర్పించారు. అనంతరం మంత్రి మల్లారెడ్డి దంపతులతో పాటు జిల్లా కలెక్టర్ అమోయ్ కుమార్ దంపతులు రామలింగేశ్వరస్వామి కళ్యాణోత్సవంలో కూర్చొని వేదమంత్రోచ్చారణల మధ్య ఎంతో వైభవోపేతంగా ప్రత్యేక పూజా కార్యక్రమాలను నిర్వహించారు. ఈ సందర్భంగా మంత్రి మల్లారెడ్డి, జిల్లా కలెక్టర్ అమోయ్ కుమార్ దంపతులను వేదపండితులు ఆశీర్వదించారు
