కాంగ్రెస్ పార్టీ హుజరాబాద్ ఇంచార్జ్ వోడితల ప్రణవ్.
హుజురాబాద్ ప్రజాబలం ప్రతినిధి జూన్ 19
సోనియా గాంధీ కుటుంబం త్యాగాల కుటుంబం అని హుజురాబాద్ కాంగ్రెస్ పార్టీ నియోజకవర్గ ఇన్చార్జ్ వోడితల ప్రణవ్ అన్నారు.కాంగ్రెస్ పార్టీ అగ్రనేత, ఎంపీ రాహుల్ గాంధీ పుట్టినరోజు సందర్బంగా హుజురాబాద్ అంబేద్కర్ చౌరస్తాలో కాంగ్రెస్ పార్టీ హుజురాబాద్ నియోజకవర్గ ఇంచార్జి వొడితల ప్రణవ్ బుధవారం కేక్ కటింగ్ చేశారు.హుజురాబాద్ కాంగ్రెస్ పార్టీ నాయకులు కార్యకర్తలు మహిళా నాయకురాలు పటాసులు కాల్చి సంబరాలు చేసుకున్నారు. హుజురాబాద్ చౌరస్తాలో 53 కేజీల భారీ కేక్ ను వోడితల ప్రణవ్ కటింగ్ చేసి కాంగ్రెస్ నాయకులకు తినిపించారు..అనంతరం ప్రభుత్వ ఆసుపత్రిలో డెలివరీ అయిన మహిళలకు వోడితల ప్రణవ్ కాంగ్రెస్ నాయకుల తో కలిసి బ్రెడ్ ,అరటి పండ్లు పంపిణీ చేశారు. ఈ సందర్భంగా ప్రభుత్వ ఆసుపత్రిలో కల్పిస్తున్న వసతులు, ఆస్పత్రి వైద్య సిబ్బంది వివరాలు తెలుసుకొని మరింత మెరుగుగా వైద్య సేవలు అందించేందుకు కృషి చేస్తానని పేర్కొన్నారు.
ఈ కార్యక్రమంలో కాంగ్రెస్ నాయకులు పాల్గొన్నారు.
