రాజన్న సిరిసిల్ల జిల్లా 14,మార్చి2023, ప్రజాబలం ప్రతినిధి ఆంజనేయులు
జిల్లా వైద్య, ఆరోగ్యశాఖాదికారి డా. ఏ. సుమన్ మోహన్ రావు ఆద్వర్యంలో ఆయుష్మాన్ భారత్ కార్యక్రమములో భాగముగా స్కూల్ హెల్త్, వేల్ నెస్ కార్యక్రమము పై అవగాహన కొరకు వైద్య , ఎడ్యుకేషన్ డిపార్ట్మెంట్ నుండి ప్రతి మండలములో నలుగురుని ఎంపిక చేసి (2) రోజులు శిక్షణ ఇవ్వడం జరిగినది.
ఈ శిక్షణ కార్యక్రమములో డా. ఏం. మహేష్ జిల్లా ఇమ్యునైజేషన్ అధికారి గారు మాట్లాడుతూ స్కూల్ హెల్త్ , వేల్ నెస్ పై శిక్షణ లో భాగముగా స్కూల్ విద్యార్థులకు ఆరోగ్యముగా, మానసికముగాఎదగడం,పోషకాహారం,పరిసరాల పరిశుభ్రత, లింగ బేదం లేకుండా, ఆరోగ్యకరమైన జీవనశైలిని ప్రోత్సహించడం, ఇంటర్నెట్, గాడ్జెట్లు మరియు మీడియా యొక్క సురక్షిత వినియోగాన్ని ప్రోత్సహించడం, పునరుత్పత్తి ఆరోగ్యం మరియు హెచ్, ఐ , వి / ఏయిడ్స్ పై నివారణ మొదలగు అంశాల పై అవగాహన కల్పించాలని కోరారు.
ఈ శిక్షణ కార్యక్రమములో ట్యూటర్లుగా,డా.నయిమా, డా. ప్రభాకర్, మరియు ఎడ్యుకేషన్ డిపార్ట్మెంట్ నుండి దేవయ్య, తిరుపతి రెడ్డి,సంతోష్,రవి, బాలయ్య హెల్త్ ఎడ్యుకేటర్ ,సంపత్ హెచ్. యి ఓ గార్లు పాల్గొన్నారు.
