ప్రజాబలం ప్రతినిధి మేడ్చల్ మల్కాజ్గిరి జిల్లా నవంబర్ 30:
ప్రపంచ ఎయిడ్స్ దినోత్సవం సందర్భంగా, ప్రజలకు హెచ్‌.ఐ.వి/ఎయిడ్స్ గురించి అవగాహన కల్పించడం మరియు వ్యాధి వ్యాప్తిని తగ్గించడంపై దృష్టి పెట్టడం అత్యంత ముఖ్యమైన అంశం.
జిల్లా వైద్య మరియు ఆరోగ్య శాఖ అధికారి డా టి రఘునాథ్ స్వామి మాట్లాడుతూ,
ఎయిడ్స్ (అధికారహీనత వ్యాధి) అనేది హెచ్‌.ఐ.వి (హ్యూమన్ ఇమ్యునో డెఫిషియన్సీ వైరస్) వల్ల సంభవించే వ్యాధి అని, ఈ వైరస్ మన శరీరంలో ఇమ్యునిటీ వ్యవస్థపై దాడి చేస్తుంది, తద్వారా శరీరం సాధారణ సానుకూల వ్యాధులతో కూడా పోరాడలేని స్థితికి చేరుకుంటుంది.
రక్త మార్పిడి ద్వారా (సురక్షితమైన రక్త పరీక్షలు చేయని సందర్భాల్లో).
అజాగ్రత్తగా ఉపయోగించిన సూదులు, లేదా ఇతర వైద్య పరికరాల ద్వారా.
హెచ్‌.ఐ.వి సోకిన వ్యక్తితో రక్షణ లేని శారీరక సంబంధం ద్వారా,హెచ్‌.ఐ.వి కలిగిన తల్లి నుండి బిడ్డకు గర్భంలో, ప్రసవ సమయంలో, లేదా పాలు తాగించేటప్పుడు వ్యాప్తి చెందుతుందని తెలిపారు.
ఎయిడ్స్ కి మందులేదని నివారణ ఒకటే మార్గం
సురక్షిత రక్త మార్పిడి: రక్తాన్ని తీసుకునే ముందు హెచ్‌.ఐ.వి పరీక్షలు చేయండి.
కండోమ్‌ల వాడకాన్ని పాటించడం ద్వారా వైరస్ వ్యాప్తి నుండి రక్షణ పొందవచ్చు.
వాడిన సూదులను మళ్లీ ఉపయోగించకూడదు.గర్భిణీ స్త్రీలు హెచ్‌.ఐ.వి పరీక్షలు చేయించుకోవడం మరియు వైద్య సలహాలు తీసుకోవడం అవసరం.ఎయిడ్స్ సోకినవారిని వివక్షతో చూడటం సరికాదు. వారికి మానవత్వంతో సహాయం చేయాలి. సమాజంలో హెచ్‌.ఐ.వి/ఎయిడ్స్ పై అవగాహన పెంచడమే మన అందరి బాధ్యత అని తెలిపారు.
ప్రతి ఒక్కరూ ఈ సందేశాన్ని గమనించి, వ్యక్తిగతంగా మరియు సామూహికంగా హెచ్‌.ఐ.వి వ్యాప్తిని నివారించేందుకు కృషి చేయాలని కోరుకుంటున్నాము.ఎదైనా సందేహం ఉంటే సమీప బస్తీ / పల్లె దవాఖాన, ప్రాథమిక / పట్టణ ఆరోగ్య కేంద్రాలు, కమ్యూనిటీ హెల్త్ సెంటర్ / ఏరియా / జిల్లా కేంద్రం ఆసుపత్రులలో రక్త పరీక్షలు చేయించుకోవాలని , లేదా 1097 అనే టోల్-ఫ్రీ నంబర్‌కు సంప్రదించి, ఎలాంటి సందేహాలు లేదా వైద్య సహాయం కోసం మరియు సంబంధిత విషయాలపై స్పష్టత కోసం సహాయం పొందవచ్చు వ్యక్తి ఒక్క వివరాలు గోప్యంగా ఉంటాయని తెలిపారు.
ఈ ప్రపంచ ఎయిడ్స్ దినోత్సవం మనకు ఆరోగ్యవంతమైన జీవన విధానం పాటిస్తాం అని ప్రతిజ్ఞ చేయాలని
జిల్లా హెచ్‌ఐవీ మరియు కుష్టురోగ కార్యక్రమ అధికారి డాక్టర్ శ్రీదేవితెలిపారు.
