రాజేంద్ర నగర్ ప్రజా బలం ప్రతినిధి 05 నవంబర్ 2024
భారత రాష్ట్ర సమితి మణికొండ సీనియర్ నాయకులు గుట్టమీది నరేందర్, గోరుకంటి విఠల్, మల్లేశ్, ప్రకాశ్ ల ఆద్వర్యంలో సామూహికంగా కార్యకర్తలు నాయకులు నిర్వహిస్తున్న ప్రజాభిప్రాయ సేకరణలో అంతర్ భాగంగా మణికొండ మునిసిపల్ కౌన్సిల్ పుప్పాల గూడలో ఎగుడు దిగుడులతో పాటు గుంతల మయంగా ఉన్న రహదారులు, సమస్యలతో కూడిన విద్యుత్ సరఫరా, కట కటగా ఉన్న మంచినీటి సరఫరా, మురుగు నీటి డ్రైనేజీ పారుదల సమస్యలతో ఇక్కట్ల పాలౌతున్న ప్రజల ఇతి బాధలను గమనిస్తూ బీ.ఆర్.ఎస్ పార్టీ కార్యకర్తలు ముందుకు సాగుతున్న తరుణంలో ప్రజాస్వామ్య పద్ధతిలో ఎన్నికైన ప్రజా ప్రతినిధు లందరూ ప్రమాణం చేయడానికి ఉపయోగించే భారత రాజ్యాంగాన్ని రచించిన డాక్టర్ బాబా సాహెబ్ అంబేద్కర్ పేరున పుప్పాల గూడ వార్డ్ ఆఫీసు స్థలంలో భవనం కట్టడానికి 2019 లో 45 లక్షల బడ్జెట్ తో శిలాఫలకం వేయడం అందరికి తెలిసిందే, కానీ అట్టి బడ్జెట్ ఏ వైపునకు దారి మల్లినదొ ఎవరికి తెలుసు మరియు తూ తూ మంత్రంగా వెలసిన పుప్పాలగూడ బస్తీ దవాఖానా ఎప్పుడు చూసినా ముసే వుంటుందని ప్రాజాభిప్రాయ సేకరణలో తేలిందని అందుకు గాను పై విషయాలపై సంభందిత అధికారులు వివరాలను తెలియ పరచాలని, మరీ ముఖ్యంగా తాతల నాటి కాలం నుండి పుప్పాలగూడ గ్రామ పంచాయతీ ఏలుబడి వరకు స్మశాన వాటికకు నరసింహ స్వామి దేవాలయంను ఆనుకొని బండ్ల బాట ద్వారా వెళ్ళే వారని మునిసిపాలిటీ ఏర్పడ్డ తర్వాత అట్టి రహదారినీ మూసివేసి ఆ ప్రక్కన వున్న గవర్నమెంట్ స్థలాలను ఆక్రమించుకొని పక్కా ఇండ్ల కట్టడాలను కట్టడి చేయలెన్ని పరిస్థితిలో మునిసిపల్ అధికారులున్నారని స్థానిక ప్రజలు ఆవేదనతో వెల్లడించారు.
కావున సంబంధిత ప్రభుత్వ అధికారులు స్పందించి డాక్టర్ బాబా సాహెబ్ అంబేద్కర్ భవనాన్ని వెంటనే నిర్మించాలని, ప్రజాభిప్రాయాన్ని గౌరవించి స్మశాన వాటికకు వెళ్లడానికి పురజనులకు వీలు కల్పించి సరియగు రహదారిని వేయాలని భారత రాష్ట్ర సమితి పార్టీ కార్యకర్తలు నేరుగా మునిసిపల్ కమిషనర్ ను కలసి డిమాండ్ చేస్తూ పార్టీ తరపున వినతి పత్రం అందజేయడం జరిగిందని, లేని పక్షంలో ప్రజల సహకారంతో, తోడ్పాటుతో పార్టీ తరపున చట్ట పరిధిలో ధర్నా చేపట్టి తమ నిరసనను బహిరంగ పరుస్తామని మణికొండ బీ.ఆర్.ఎస్ పార్టీ అధ్యక్షుడు సీతారాం ధూళిపాళ్ల వ్యక్త పరిచారు, ఇట్టి కార్యక్రమంలో వర్కింగ్ ప్రెసిడెంట్ కుంబగళ్ల ధనరాజ్, కౌన్సిలర్ ఆలస్యం నవీన్ కుమార్, పార్టీ సీనియర్ నాయకులు ముత్తంగి లక్ష్మయ్య, అందె లక్ష్మణ్ రావు, సంగం శ్రీకాంత్, బొమ్మూ ఉపేందర్నాథ్ రెడ్డి, శ్రీబాబు, సంతోష్, రమేష్, అశోక్, సుమన్, మహేందర్, యాలాల కిరణ్, రాజేంద్ర ప్రసాద్, విజయలక్ష్మి, దిలీప్, షేక్ ఆరిఫ్, భాను చందర్, సయ్యద్ రఫిక్, కె.ప్రవీణ్, ఎల్లాస్వామి మరియు అశేష స్థాయిలో స్థానికులు పాల్గొన్నారు.
